Postal Kolekzionistak 2018an sorturiko proiektua da. Kantautore girotik pop eta rock giroetara hurbiltzen dena. Iñigo Asensiok (Homo Demens, Manent, Charlie&theColours) idatzitako 11 kanta jantzi zituzten Ander Zubillaga gitarristak (Governors, Xabi Solano, Iker Lauroba, Blue Mood...), Michel Longaron batería-jotzaileak (Imanol Larzabal, 21 Japonesas, Mikel Erentxun, Iker Lauroba...), Juanjo Falcón baxu-jotzaile (Les Mecaniciens, Momau, Labrit, Manent...) eta Irene López pianistak. 2019an kaleratu zuten ‘Azken Gaua Hirian’ lehen diskotik bi urte betetzear direla, ‘Bagoi Hutsak’ lana aurkeztu du. Denbora igaro da, lokala, kontzertuak… eta euren soinu propioaren bila egindako bidearen emaitza da Bagoi Hutsak. Bidaiak betiere presente izanik, trenek tematu dute Iñigo Asensio bigarren disko honen sorkuntza fasean. Lekuak Leku kantuan ‘ez lekuei’ erreferentzia egiten zien eta badira uneoroko erreferentziak garraiobide eta geltokiei. Kafea Zor Didazun -tren honek galdu zuen kafetegian-edota Azken Bagoitik kantuan bertan gertatzen den bezela. Beñat Igerabidek nahastu eta masterizatu du lana. Bertan euren aletxoa utzi dute Mikel Urdangarinek (ahotsa Kafea Zor Didazun), Ruben Salvadorrek (tronpeta Hotz Emozionalan), Aitor Zorzanok (Portuan kantuaren haize moldaketa) edota Xabier Zeberio (Aireportuak 2 kantuaren soka moldaketa).