“MØU” comeza a súa andaina musical a principio dos anos 90, atraído fortemente polas novas músicas urbanas que chegaban dende o “underground” do outro lado do Atlántico, sobre todo o Hip Hop e a Electrónica. No ano 95 pasa a formar parte do grupo pioneiro de hip hop en galego “5 Talegos” onde a parte de escribir as súas primeiras letras comezaría a introducirse no mundo do “beatmaking” e da produción electrónica, xirando pola escena galega ata 2002. En 2003 Funda, en Ordes, xunto con antigos compañeiros de “5 Talegos” e con compoñentes do grupo “Ghamberros” o colectivo Dios Ke Te Crew, referente e pedra angular do hip hop feito en galego, onde continúa militando ata a actualidade e publicando decenas de traballos discográficos.