Eg er ein norsk «singer-songwriter», med oppvekst i Hardanger og foreldre frå Sogn, no busett i Bergen. Eg syng på mi eiga dialekt, og tekstane handlar i hovudsak om stader, stemningar og situasjonar eg kan relatera meg til, og som eg håpar andre og kan kjenna seg att i. EP'en "Om tida går" er det andre albumet mitt. Av dei seks låtane kom fire ut som singlar i 2021 medan "Da gjekk meg hus forbi" og "Kvifor sa du aldri?" er nye. Songane handler om ulike sider ved livet, herunder sorg, sakn, livet generelt og relasjonar. "Farmor" er ein hyllest til alle bestemødre. Mange av låtane er alt spelt ein del på ulike radiokanalar, og eg håpar du også likar dei. Musikarar på "Om tida går" er, i tillegg til underteikna på vokal, gitar og orgel; Brent Mason, gitar - Gisle Torvik, gitar - Torstein Lofthus, trommer - Leif Johansen, bass - Trond Akerø-Kleven, flygel/orgel - Madeleine Ossum, fiolin, bratsj og kor, Monika Rennan Hjelle og Gunn Marit Kvåle på kor. Albumet "Bygde mi" var mitt fyrste soloalbum. Singlane frå albumet var "Ikkje sei" og "Vår eigen song", den fyrste ein duett med Rita Eriksen, den andre ein duett med Åshild Mundal.