Sofía Espiñeira canta e compón dende a raíz. Artesá de cancións, creadora e artista multidisciplinar galega, as súas composicións combinan o latexo das músicas do mundo xunto coa canción de autora máis íntima e espida. Tras o camiño feito nos escenarios co seu disco debut Alá onde agroman as herbas, e tras colaboracións con outras artistas, Sofía Espiñeira inicia a súa segunda viaxe musical: Xeografías.