Ezetaerre somos un grupo de rap combativo e en galego. A nosa andaina comezou en 2016 na Coruña, onde compartimos estudos, loitas e experiencias no movemento estudantil. A nosa discografía está conformada polos longos Aspiracións Mínimas e Urxentes e Pólvora e Tormenta, o maxi 100 e varios singles (A Herdanza do Vento, Non É Verán de Estrella Damm e Esmorga Inferno). O noso último single é A Insurxencia por Vir, no que facemos unha homenaxe a todas as loitas da xuventude e ao camiño que esta constrúe. Que soen as alarmas e voen adoquíns! Dignidade, solidariedade e humildade!