Rasim Müzəffərlinin rəsmi Spotify hesabı. Rasim Müzəffərli – azərbaycanlı filosof, bəstəkar-şair və naşir. 1958-ci il 21 iyunda Bakı şəhərində anadan olmuşdur. Azərbaycanda ilk qeyri-formal ictimai təşkilatlardan biri olan “CƏNGİ” birliyinin yaradıcısı və rəhbəri olmuşdur. Keçən əsrin 80-90-cı illərində Azərbaycan Dövlət Televiziyasında “Ekspromt” və “Çərşənbə axşamı” verilişlərinin, 2006-2007-ci illərdə isə ANS televiziya kanalında “CƏM” ictimai-siyasi tok-şounun müəllifi və aparıcısı olmuşdur. 1980-ci illərin əfsanəvi “OZAN” muğam-rok qrupunun (1981-1990) yaradıcısı və rəhbəridir. “Pəncərə”, “Rekviyem”, “Batmış Gəminin Mahnısı” kimi sevilən mahnıları vardır.