Abbas Bağırov 29 avqust 1982-ci ildə Gəncə şəhərində anadan olub. 2002-ci ildən musiqi ilə ciddi məşğul olmaq üçün Bakı şəhərinə gəlib və vokal sənətini ciddi öyrənərək müxtəlif sənətkarlardan dərs alıb. 2002-ci ildən Azərbaycanın əməkdar artisti Ənvər Sadıqov ilə çalışmağa başlayıb. 2003–2005-ci illərdə Bakı Musiqi Akademiyasının müəllimlərindən dərslər alıb. Bakı şəhərində keçirilən bir çox festivallarda laureat olub. Həmçinin Türkiyə, Rusiya, Fransa, İtaliya, Amerika və digər Avropa ölkələrində təşkil olunan festivallarda Azərbaycanı təmsil edib. Sənətçi karyerası ərzində 10-dan çox studiya albomu, 20-dən çox musiqi videosu hazırlamış, çox sayda konsertlər vermişdir. Estrada, şanson və milli üslubda hazırladığı mahnıları içərisində “Bakı”, “Eşqin Məhəbbəti”, "Aləm Gözəl" kimi hitləri vardır. Son bir neçə ildir ki, özü də mahnı yazır. Bu bəstələri həm özü, həm də bir çox digər müğənnilər ifa edirlər.