ვაჟთა ვოკალური ანსამბლი ‘’ქართული ხმები’’ დაარსდა 1985 წელს, თუმცა ყველასათვის ცნობილი სახელი 1991 წელს ეწოდა, 1992 წლიდან ანსამბლს ხელმღვანელობს და სათავეში უდგას ხელოვნების დამსახურებული მოღვაწე ბატონი რობერტ გოგოლაშვილი. დროდადრო ანსამბლში ემატებოდა ახალი მუსიკოსები, რის გამოც მათი შემოქმედება უფრო მდიდრდებოდა და მრავალფეროვანი ხდებოდა. „ქართული ხმების“ შემოქმედება გამოირჩევა ეროვნული თვითმყოფობით, მაღალი პროფესიული კულტურით და თავისებური მანერით. მათ მიერ შექმნილი შემოქმედება მოიცავს მრავალ ფირფიტასა და კომპაკტდისკს, ასევე ცალკეულად უამრავ სინგლსაც.