JÓLADRAUMUR er útgáfuverkefni með áherslu á ný frumsamin jólalög. Er lagasmiðurinn og gítarleikarinn Guðmundur Jónsson í forsvari fyrir hópnum og öll lögin úr hans ranni við texta eftir Kristján Hreinsson, Guðmund og Friðrik Sturluson. Textarnir eru ortir undir áhrifum frá jólasögunni frægu, Christmas Carol, eftir Charles Dickens og birtast svipmyndir úr henni með vísvitandi skáldaleyfi víða, en alltaf reynt að fanga boðskapinn sem er jafn aðkallandi í dag og á 19. öld er sagan var skrifuð.
 Um jólin 2020, komu út fyrstu ópusar verkefnisins sem eru báðir innihalda söngdúetta; HAMINGJAN FESTIR RÆTUR (Margrét Eir og Jóhann Sigurðsson) og LÍTIL KERTI Í MYRKUM HEIMI (Salka Sól Eyfeld og Jóhann Sigurðsson). Árið eftir 2021, koma út þrjú lög; SÖNGUR SAMVISKUNNAR (Jóhann Sigurðarson), JÓLIN ÞAU KOMA SENN (Íris Lind Verudóttir) og lagið HEILÖG JÓL (Íris Lind Verudóttir). Fyrir jólin 2022 komu svo út tvö lög. Það fyrra er dúett sem nefnist JÓLIN ERU DÁSAMLEG (Þór Breiðfjörð og Jóhann Sigurðarson) og það seinna heitir HEF ÉG KJARK TIL AÐ BYRJA UPP Á NÝTT? (Íris Lind Verudóttir). 2023 kemur svo loks út stór tíu laga plata með JÓLADRAUM, sem inniheldur áður útgefin lög hópsins ásamt þremur nýjum ópusum; ERTU AÐ BÍÐA EFTIR ÞVÍ? (Jóhann Sigurðarson, Edgar Smári og Íris Lind Verudóttir), JÓLIN VERÐA HVÍT (Íris Lind Verudóttir og Edgar Smári) og NÓTTIN LÆÐIST INN (Edgar Smári og Íris Lind Verudóttir) GLEÐILEG JÓL :-)