Xayyam Nisanov 1 oktyabr 1983-cü ildə Bakıda anadan olub. O, 2002-ci ildə “Bakı payızı” müsabiqəsindəki iştirakı ilə peşəkar musiqi karyerasına başlamışdır. Yaradıcılığının əsasını pop və şanson mahnılar əhatə edən sənətçinin “Mümkün Deyil”, “Elə-Belə Gəl”, “İstanbul” və s. kimi hit mahnıları mövcuddur. 4 musiqi albomu yazdırmış və 2009-cu ildə ilk solo konsertini Quba Olimpiya Kompleksində keçirmişdir. Azərbaycanın ən populyar ifaçıları – Röya, Tünzalə, Aygün Kazımova, Zülfiyyə Xanbabayeva ilə duetlər yazdırmışdır. Sənətçi “Bizimdir Həyat”, “Qara Gözlüm” mahnıları ilə yaradıcılığını davam etdirir.