Anar Niftəliyev, daha çox — RG və ya ikinci altereqosu İyirminci Kalibr kimi tanınan gəncəli rap artist. Karyerasına 2005-ci ildə “G-Coast” qrupunda başlamış daha sonra isə 2008-ci ildə yaratdığı qrupun fəaliyyətinə son qoyaraq solo işlərə başlamışdır. 2010-cu ildə “HOST Production” ilə müqavilə imzalayaraq fəaliyyətinə davam etmişdir. 2012-ci ildə Qaraqan, Okaber, Əli Xəyyam və AiD ilə biryerdə “MadHouse Community”-nin ilk üzvlərindən birinə çevrilir. Hazırda müstəqil artist kimi fəaliyyət göstərir.