Fondo Norte é unha banda galega de punk-rock procedente de Pontevedra. Formada no ano 2017 cando 5 colegas se xuntaron por primeira vez no Tronko Bar para facer o que mellor saben: sacar ruído cos seus instrumentos e cantar sobre as súas inquedanzas. Caracterízanse pola contundencia que desprenden nas súas cancións e lonxe de renegar das súas raíces, reivindícanas con orgullo, respecto, compromiso e moita actitude. Actualmente está composta por Luis Lores (voz principal), Jose Sánchez (guitarra solista), Miguel Argibay (baixo) e Edu Aguirre (batería). 
 Gravaron duas maquetas: Ruína (2017) e Todo Mal! (2018) os cales arquivaron para regravalas en estudo e publicalos ao longo do 2020. As súas cancións distínguense por ter garra, gran potencia e proxectar un amplo cerco de liberdade. Mostra diso son os seus dous singles publicados recentemente: o homónimo Fondo Norte e Uah! versión do mítico cantar popular galego onde colaboran Gabri Dakidarría e Vituco Ruxe Ruxe, os cales se integrarán nos seus dous próximos EP’s e dannos algunha pista do novo son que están a buscar na súa constante evolución. 
 Contra vento e marea, Fondo Norte participarion xa en festivais e realizaron varias xiras ao longo da Galiza e do Estado, onde xa vén sendo habitual velos compartir escenario coas bandas referentes do panorama local e estatal.